السلام عليكم ورحمة الله وبركاته ..
كيفكم بناااااااااااااااااااات
اليوم جايبه موضوع كــــذاإنشاء الله يعجبكم..
اغلبيه الرجال لهم طريقتهم الخاصه في شغل اوقات فراغهم لما يكونو واقفين عند الاشاره !!!!!!
** النوع الاول......
وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدرين الاوهو ناقز في المرتبه الي ورا يرتبها ولا تستغربين اذا شفتيه ناط في شنطه السياره (الرجال مرتب)وتنفتح الاشاره والاخ مشغول في التنظيف!!
**النوع الثاني.....
وهوالي تقولين توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف)
وشوي ويقص اظافريده وماتدرين الاوهو مرفع رجله يقصها هذا اذا كان معاه مقص اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)!!
**النوع الثالث......
وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم !!
**النوع الرابع......
وهو عكس الي قبله وهوالي يشغل شريط خالد عبدالرحمن (ومغلدم)وانواع التغلق والحزن وطبعا الاغنيه من كثر ماهي قديمه تشكين انه مغنيها قبل توحيد المملكه ويكون وجهه مورم من الصياح!!
**النوع الخامس......
وهو الي تقولين توه مكتشف انه ابو وماتسمعين غير هواشه وتلعينه على بزرانه الي مالين سيارته وماتدري الا وهو ساحب العقال ومخرب التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!!
**النوع السادس.....
وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو اجنبي وانواع القز في السيارات الي جنبه!!
**النوع السابع.......
وهو الي اذا شفتيه ترحمينه وتقولين ميت من الجوع وتشكين انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغربين لو شفتيه داب في مفطح!!
**النوع الثامن......
وهو الي تحسينة انه ماعنده وقت ابد ودايم بزي ولابس نظاره وخاتم ومبحلق في الجريدة ومسوي زحمه في الشارع والي جنبه طفشان ومشتغل مسجات بالجوال !!
**النوع التاسع والأخير......
وهوالي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها (الله يكرمكم))معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب!!
اتمنى اعجبكم الموضوع
ونفسي اشوف ردودكم
